Bhí bua iontach eile ag foireann díospóireachta Gaeilge na scoile le déanaí agus beidh siad ag dul ar aghaidh anois go craobh an Chontae. Iniata thíos tá uasdátú ó Éabha de Búrca agus Tríona Nic Roibeáird ar dul chun cinn na foirne. Táimid an-bhródúil astu agus guímid gach rath orthu sa chraobh!
D’éirigh go hiontach leis an bhfoireann díospóireachta shóisearach an téarma seo, le hÉabha de Búrca, Caoimhe de Búrca, Tara Ní hAodha, Avalily Nic Dhuarcain Ní Bhriain agus Tríona Nic Roibeáird maraon leis na múinteoirí Dúlra & Marianna. Sa chéad bhabhta, an rún a bhí le plé againn ná ‘Ba chóir deireadh a chur le scrúduithe na Sraithe Sóisearaí’. Bhí foireann GCP i gcoinne an rúin áiféiseach seo. Bhí an lámh in uachtar againn agus Glór na Mara thar Choláiste Ráithín. Anuas air sin, bhí an bua againn sa dara bhabhta freisin, leis an rún ‘Tá cothrom na féinne á fháil ag aos óg na tíre seo’. Bhíomar i gcoinne an rúin seo chomh mhaith. Fuaireamar an bhó thar abhainn ar Choláiste Eoin agus Coláiste Mhuire, agus i ndiaidh na Nollag beidh muid ag tnúth le Craobh Bhaile Átha Cliath.