Cúrsa bliana éigeantach is ea an Idirbhliain i nGaelcholáiste an Phiarsaigh. Tá Clár Idirbhliana an-rathúil againn agus tá muid thar a bheith bródúil as an réimse leathan agus cuimsitheach ábhar, modúl agus deiseanna a bhíonn ar fáil do na scoláirí a chabhraíonn leo ullmhú do rannpháirtíocht neamhspleách, freagrach sa tsochaí. Cuirtear an- bhéim ar an bhforbairt phearsanta, lena n-áirítear feasacht shóisialta agus inniúlacht shóisialta mhéadaithe.
Spreagtar scoláirí le taithí a fháil ar an saol taobh amuigh den scoil mar chuid dá bhforbairt. Chomh maith leis sin, bíonn ceithre seachtaine de thaithí oibre acu – seachtain i mí na Samhna, coicís i mí Feabhra, agus seachtain i mí na Bealtaine.
Bíonn turas scoile thar lear mar chuid den chlár Idirbhliana againn. Tugann na turais deis do scoláirí cultúir úr a fheiceáil.
Transition Year is a compulsory one-year programme in Gaelcholáiste an Phiarsaigh. We run a highly successful Transition Year programme and we take immense pride in the range and variety of subjects, modules and opportunities that are provided to our students which help prepare the students to participate independently and responsibly in society. There is an emphasis on personal development which includes social awareness and social competencies.
As part of their development students are encouraged to partake in activities outside of the school environment. The students also undertake 4 weeks of work experience – a week in November, two weeks in February and one week in May.
We organise a trip abroad as part of the Transition Year programme. which aims to give the students an insight into different societies and cultures.
Aidhmeanna na Bliana
Ag teacht le haidhmeanna, le cuspóirí agus le luachanna an Choláiste agus na treoirlínte náisiúnta á gcur san áireamh is iad seo a leanas na haidhmeanna a chuirimid romhainn amach agus muid ag tosú ar bhóthar na hIdirbhliana i nGaelcholáiste an Phiarsaigh:
- Go mbainfidh gach duine tairbhe agus taitneamh as an mbliain.
- Déanfar freastal ar an duine iomlán, le béim ar ghnéithe a thagann le teacht in aibíocht, ina measc:
|
AN DUINE FÉIN
|
AN DUINE AGUS AN tSOCHAÍ
|
AN DUINE AGUS AN DOMHAN MÓR
|
|
Féinfhorbairt
|
Tuiscint do dhaoine eile
|
Dearcadh i leith an tsaoil a leathnú
|
|
Féinmhuinín
|
Meas ar dhaoine eile
|
Eolas níos leithne ar an domhan a fháil
|
|
Féinfhreagracht
|
Eolas agus taithí ar an saol oibre
|
|
|
Féinspreagadh
|
Cothromaíocht idir obair agus sos
|
|
|
Neamhspleáchas
|
|
|
|
Bród
|
|
|
Clár na nÁbhar
Tá an curaclam bunaithe ar na hábhair seo a leanas:
Croíábhair
-
Gaeilge
-
Béarla
-
Matamaitic
-
Fraincis/Spáinnis
Blaiseadh d'ábhair na hArdteiste agus ábhair nua, ar nós;
- Treoirghairm
- Stair
- Tíreolaíocht
- Ceimic
- Fisic
- Bitheolaíocht
- Ealaín
- Cócaireacht
- Gearmáinis
- Iodáilis
- Corpoideachas
- Mionchomhlacht
- Damhsa
- Sábháilteacht ar na Bóithre
- Drámaíocht
- Treoirghairm
- Fiseáin agus Beochaintí
- Cór
- Códú
- Fealsúnacht
- Léitheoireacht
- Grianghrafadóireacht
- Scannánaíocht
- Ceol
- Cúrsaí Reatha
Measúnú
-
Tionscadail
-
Tuairiscí
-
Cuir i láthair
-
Scrúduithe Scríofa
-
E Portfólió
-
Teastais bhailithe
-
Taithí Oibre
Taithí Oibre
Cuid lárnach den Idirbhliain is ea taithí oibre. Beidh gach scoláire ag caitheamh trí seachtaine (ceann amháin i mí Dheireadh Fómhair agus coicís i mí Feabhra) amuigh i saol na hoibre, in oifig nó i scoil, in ospidéal nó i monarcha. Gheobhaidh siad taithí ar a bheith ag obair ó Luan go hAoine, óna naoi go dtí a cúig. Is deis iontach é chun fáil amach cén saghas poist a bheidh siad ag lorg tar éis scoil a chríochnú. Ní bheidh na tuismitheoirí, na cairde ná na múinteoirí in éineacht leo. Beidh orthu a ndícheall a dhéanamh agus iad i mbun oibre, ach foghlaimeoidh siad go leor faoin saol mór!
Moltar do gach duine tosú ag smaoineamh i rith an tsamhraidh faoin saghas poist gur mhaith leo a dhéanamh. Smaoinigh ar na suimeanna agus smaoinigh ar na poist a bheadh oiriúnach . Má tá suim ag duine sa cheol, b’fhiú féachaint ar na siopaí ceoil. Má tá suim ag duine san oideachas,ba cheart féachaint ar an mbunscoil ar ar fhreastail an duine. Má tá suim ag duine i leigheas, ba cheart féachaint ar na hospidéil nó na coláistí leighis. Ba cheart labhairt le tuismitheoirí agus le múinteoirí chun comhairle a fháil.
Beidh ar gach scoláire dialann thaithí oibre a scríobh, agus beidh ar na fostóirí tuairisc a scríobh ar an scoláire chomh maith.
Is é an t-ullmhúchán an rud is tábhachtaí. Beidh rang treorach in aghaidh na seachtaine ag gach scoláire san Idirbhliain. Ullmhaítear na scoláirí sna ranganna sin don taithí oibre, conas CV a scríobh agus conas dul i dteagmháil le comhlachtaí éagsúla. Na scoláirí atá eagraithe, éiríonn leo na háiteanna oibre atá uathu a fháil agus go ginearálta bíonn taithí níos fearr acu.
Obair Charthanachta
Deis is ea an obair charthanachta do scoláirí dul i mbun oibre leo siúd a bhfuil riachtanais ar leith acu.
Tréimhse seachtaine a bheidh i gceist. Mar aon leis an taithí oibre is faoin scoláire atá sé ionad a fháil don obair charthanachta san Idirbhliain.
Gaisce - Gradam an Uachtaráin
Is é Gaisce an gradam náisiúnta dúshláin a bhronnann Uachtarán na hÉireann ar dhaoine óga. An aidhm atá leis an ngradam daoine óga a ghríosú chun dúshlán a leagan amach dóibh féin agus é a bhaint amach i gceithre réimse éagsúla:
- Páirtíocht sa phobal m.sh ag obair i siopa carthanachta, teach scoir, ospís srl.
- Scileanna pearsanta, m.sh scileanna nua ríomhaireachta/ uirlis cheoil/ scríbhneoireacht bhraille a fhoghlaim
- Caitheamh aimsire fisiciúil, m.sh spórt foirne (peil ghaelach/iománaíocht/haca srl.)
- Imeachtaí eachtracha, m.sh turas rothair a phleanáil/ sléibhteoireacht / siúlóid srl.
Is cuid lárnach den Idirbhliain é an Gaisce i nGaelcholáiste an Phiarsaigh. Tá trí chineál gradaim ar fáil: cré-umha, airgead agus ór. San idirbhliain beidh deis ag scoláirí an gradam cré-umha a bhaint amach ach is féidir leo leanúint ar aghaidh chun an bonn airgid agus óir a bhaint amach níos déanaí. Beidh scoláirí amuigh ina bpobal féin ag obair, ag imirt spóirt, ag foghlaim scileanna nua agus ag déanamh rudaí nach mbíonn an seans acu de ghnáth. Bíonn orthu an scil/obair nua a dhéanamh ar feadh 13 sheachtain, agus rud éigin a scríobh fúthu gach seachtain.
Ní bhíonn na scoláirí in iomaíocht lena chéile. Dírítear ar an iarracht agus ar an am a chuirtear isteach ann.
Is dúshlán deonach é an Gaisce ach moltar do gach duine páirt a ghlacadh mar is gradam an-luachmhar é.
Bíonn seans ag scoláireí na hidirbhliana, más áil leo, clárú do Ghaisce agus Gradam an Uachtaráin a bhaint amach nuair a chomhlíonann siad na riachtanais. Bíonn comhairle agus treoir le fáil ar scoil ach caithfidh na scoláireí páirt a ghlacadh sna réimsí gníomhaíochta difriúla ina gcuid ama féin.